Laçi pret Teutën në shtëpi në sfidën e javës së 26-të të “Abissnet Superiore”, me të dyja ekipet që kërkojnë vetëm fitoren.
Kurbinasit vazhdojnë të zhgënjejnë që pas asaj humbjeje me Tiranën dhe tani kërkojnë të rikthehen në rrugën e fitoreve për të siguruar të paktën vendin e dytë. Një statistikë interesante që vlen të përmendet, është se Laçi nuk pëson gol në shtëpi prej 10 ndeshjes. Sfida e fundit ku kurbinasit arritën të ndëshkoheshin, ishte ajo ndaj Egnatias.
Nga ana tjetër, ekipi i Renato Arapit ndodhet në zonën e ftohtë dhe kërkon që të dalë menjëherë nga aty, duke mos e rrezikuar më shumë sezonin.
Sfida do të fillojë në 13:45
LAÇI-TEUTA
FORMACIONET ZYRTARE:
LAÇI: Dajsinani, Ignjatoviç, Turkaj, Ziko, Veija, Deliu, Ujka, Shehu, Mazrekaj, Zylfiji, Guindo. Trajner: Mirel Josa.
TEUTA: Qirko, Qaqi, Jazxhi, Todorovski, Kotobelli, Aleksi, Avdyli, Akuah, Peposhi, L.Vila, Daci. Trajner: Renato Arapi
