Ish-lojtari i Totenhemit dhe një legjendë e mirëfilltë e Egjiptit, Ahmed Mido, ka komentuar ne lidhje me situatën e Mohamed Salah te Liverpuli për shkak të problemeve me rinovimin e kontratës si dhe mundësinë e largimit të tij gjatë merkatos së verës.
Në një intervistë të dhënë në fundmi, Mido i ka thurur elozhe patriotit të tij duke theksuar se Salah është një lojtar fantastik dhe kështu do të vazhdoj të jetë të paktën edhe për 5 vitet e ardhshme, duke cilësuar këtë fakt si arsyen pse shumë super klube europiane janë në kërkim të shërbimeve të fantazistit:
”Unë besoj se me shumë mundësi Salah do ta lërë Liverpulin. Ai është një lojtar fantastik dhe shumë klube duan shërbimet e tij. Ai mund të luajë në të tilla nivele të paktën dhe për 5 vitet e ardhshme”.
Pas këtyre fjalëve nga ana e legjendës së Egjiptit, pritet të shihet nëse Salah do ta ndjek këshillën e tij, apo do të vendosë të qëndrojë besnik i “The Reds” dhe për vitet në vijim.
