Barcelona janë shumë pranë transferimit të brazilianit të Leeds United, Raphinha.
Barca po synon të transferojë Raphinha gjatë merkatos së verës dhe kanë avancuar në bisedime me Deco, agjentin e lojtarit.
Sipas gazetarit italian, Fabrizio Romano, Barcelona ka avancuar në bisedime me agjentin e lojtarit, por ende nuk është përfshirë ekipi i Leeds United.
Raphinha në 59 paraqitje me ekipin anglez, ka shënuar 15 gola dhe ka regjistruar 12 asistime.
Opsioni tjetër për ekipin e Xavi Hernandez, nëse nuk arrijnë marrëveshjen me Leedsi, është anësori brazilian i Ajax, Antony.
