Me 29 mars (20.45) do të zhvillohet ballafaqimi final i play-off-it mes Portugalisë dhe Maqedonisë së Veriut, fituesi i kësaj sfide siguron biletën për në Kampionatin Botëror.
Sipas Federatës Portugeze të Futbollit, është mbushur kapaciteti i stadiumit “Dragao” në Porto, ku të martën do të luhet finalja e ndeshjes kualifikuese për Botërorin në Katar ndërmjet Portugalisë dhe Maqedonisë.
Kjo do të thotë, mikpritësi ka shitur të gjitha biletat.
Sa i përket tifozëve nga Maqedonia e Veriut, sipas rregullave të UEFA-s, duke pasur parasysh kapacitetin e stadiumit (50,000 shikues), FFM do të shpërblehet me 2,500 bileta.
Ato mund të sigurohen përmes kodeve që disponon FFM.
