Futbollisti shqiptar, Ezgjan Alioski, është ende në festë me Maqedonia e Veriut, të cilët me rezultat 1:0 eliminuan Italinë në Palermo.
Fitorja kundër kampionit të Evropës, tani Alioskin me shokë e motivon edhe më shumë për ndeshjen finale të Play-off-it, kundër Portugalisë.
Fituesi i kësaj ndeshje kualifikohet direkt në Kampionatin Botëror.
Ai për gazetën zvicerane “Blick”, ka bërë një koment interesant për ndeshjen me Portugalinë.
“Shikoni, Portugalia ka një Ronaldo në radhët e saj.
Ai ka dy dekada që luan dhe është në top formë, sigurisht që dëshiron të luajë në Katar.
Nuk duam t’ia prishim karrierën Ronaldos me një mungesë të mundshme në Kupën e Botës, por duam të shkojmë edhe ne në Botëror. Dëshirojmë ta realizojmë ëndrrën tonë”, tha ndër të tjera Alioski, transmeton media maqedone “Sportmedia”.
