Prishtina – Llapi luhet nesër, mysafirët nuk e kanë idenë në cilin stadium luhet ndeshja
Superliga e Kosovës në futboll vjen me ndeshjet e javës së 27-të e cila pritet të sjellë ndeshje shumë interesante.
Padyshim kureshtje zgjon edhe takimi që luhet ndërmjet Prishtinës e Llapit, ndeshje kjo që zhvillohet nesër nga ora 14:00.
Megjithatë, ajo që bie në sy është se ende nuk është bërë zyrtar se në cilin stadium do të zhvillohet ndeshja. Këtë e ka pohuar edhe vet skuadra e Llapit në një postim të publikuar sot në faqen zyrtare.
“Ndeshja e radhës në BKT Superligë ndaj FC Prishtina, nesër, e shtunë më 2 prill nga ora 14:00
*Për vendin e zhvillimit të ndeshjes ende nuk kemi konfirmim zyrtar nga ana e nikoqirit dhe si klub jemi në pritje për vendin e zhvillimit të ndeshjes!”, thuhet në njoftimin e KF Llapit.
