Futbollistët e Struga Trim Lum shënuan fitoren bindëse me rezultat 3:1 ndaj Rabotniçkit, në ndeshjen që u zhvillua në stadiumin ‘Toshe Proeski” në Shkup.
Struga i dha fund serisë prej tre humbjeve radhazi, duke iu kthyer fitoreve, nga ana tjetër, Rabotniçki ka hyrë në një seri negative me humbjen e tretë radhazi.
Në minutën e 13-të, Abdylhadi Jahja shënoi për struganët, duke paralajmëruar fitore.
Bunjamin Shabani në minutën e 49-të nga penalltia shtoi epërsinë.
Momçilo Rasho ngushton rezultatin në 1:2 në minutën e 61-t.
Për 1:3 shënoi Pa Omar Jobe në minutën e 81-të pas asistimit të Abdylhadi Jahja.
Pas javës së 25-të në Maqedoninë e Veriut, Struga TL zë vendin e 7-tl me 33 pikë e Rabotniçkii bie i teti me 31.
