Presidenti nuk përmbahet!
Në ndeshjen e sotme kundër Fiorentinës, skuadra e Empolit, në të cilën aktivizohen 3 futbollistët e kombëtares sonë, Bajrami, Asllani dhe Ismajli, ka përfunduar takimin me 10 lojtar pas daljes me karton të kuq të Lupertos.
Pas këtij episodi i menjëhershëm ka qenë reagimi i presidentit të klubit, Fabricio Korsi, i cili u ngrit nga vendi i tij në tribunë dhe u drejtua drejt përgatitësit të arbitrave të Serisë A, Xhanluka Rokit, për t’ju ankuar në lidhje me episodin.
Pamjet janë publikuar me shpejtësi në rrjet, dhe pritet të shihet nëse do të ketë sanksione nga ana e Federatës Italiane, pas veprimit të presidentit të Empolit.
