Marko Simonovski është zgjedhur futbollisti më i mirë i javës në Superligën e Futbollit.
Sulmuesi maqedonas e pati një tjetër paraqitje pozitive dhe e ndihmoi Dritën në fitoren 3:2 ndaj Ulpianës në udhëtim.
Ai në xhiron e 27-të i realizoi dy gola për gjilanasit, të cilët mbesin në garë për të luajtur në Evropë sezonin tjetër.
Drita momentalisht është e dyta në tabelë me 49 pikë, sa i ka edhe Gjilani, që është i treti, por me një ndeshje më pak të zhvilluar.
Çmimi “Ylli i javës” ndahet nga Federata e Futbollit të Kosovës në bashkëpunim me sponsorin e Superligës, BKT.
