Sezoni me shumë ulje e ngritje i Manchester United ka bërë edhe që shumë kritika të vërshëojnë në drejtim të futbollistëve. Një nga ata të cilët nuk është toleruar aspak nga specialistët apo edhe tifozët është Harry Maguire.
Mbrojtësi që mban shiritin e kapitenit nuk ia ka dalë të përcjellë frymëzimin e duhur te shokët e skuadrës, pikërisht për faktin se bëhet shpeshherë faktor negativ në fushë me gabimet e tij individuale.
Të shumtë janë zërat të cilët kërkojnë që kapiten të jetë Cristiano Ronaldo dhe jo lojtari i kombëtares së Anglisë. Së fundmi, edhe Alphonso Davies i Bayern Munich është shprehur se nuk e kupton se si Maguire mund të jetë kapiteni i CR7.
“A mund ta imagjinoni, bëhet fjalë për Cristiano Ronaldon një nga futbollistët më të mëdhenj në historinë e futbollit. Dhe, kush është kapiteni? Harry Maguire. Çfarë mund t’i thotë ai Ronaldos, nuk kam asgjë personale me Maguire, por për mua Ronaldo duhej të ishte kapiteni”, u shpreh Davies.
