Andre Onana është kthyer në fushën e lojës pas një periudhe të gjatë jashtë saj si pasojë e pezullimit për doping. Por paraqitja e portierit të Ajaks, i cili pritet t’i bashkohet Interit në verë, po lë shumë për të dëshiruar me gafa të njëpasnjëshme.
Në ndeshjen e sotme ndaj Spartës së Pragës, ai ka bërë përsëri disa gabime, një prej të cilëve solli edhe golin e miqve ne fitoren 2:1. Kjo ka sjellë vërshëllima nga tifozët e tij të cilët e kanë kritikuar ashpër gjatë gjithë sfidës. Një situatë që nuk i ka pëlqyer Onana i cili i është kundërpërgjigjur në mënyrë të ndezur para kamerave pas sfidës.
“Nuk ndikohem nga vërshëllimat e tyre, nuk më intereson. Mund të këndojnë, të qajnë, të bëjnë atë që duan. Mua nuk me plas t***.
A më vërshëllejnë pasi do të largohem? Nuk ia kam idenë, pyetini ata. Nuk jam në formën më të mirë në këtë moment, kjo është e vërtetë! Por ka kohë që nuk kam luajtur! Nëse ata janë të inatosur është problemi i tyre, nëse janë të trishtuar është problemi i tyre. Kjo është mënyra se si jam bërë ky që jam. Kjo është jeta ime, të më lejojnë që të shkruaj vetë historinë time”, tha Onana pas duelit.
