Paratë nuk janë gjithmonë zgjidhja e problemeve në futboll dhe shembulli më i pastër për ta vërtetuar një fakt të tillë është PSG-ja.
Investime marramendëse janë kryer përgjatë udhëheqjes së Naser Al Kelaifit, por që në fund kanë sjellë vetëm trofeun e Ligue 1 apo Kupës së Francës.
Blerja e yjeve të futbollit si Nejmar, Mbape Apo Mesi nuk kanë sjellë rezultatin e pritur, teksa këtë herë PSG-ja i ka thënë lamtumirë Ligës së Kampionëve që në fazën e 1/8-ve.
Dëshimet radhazi në Europë dhe tekat e “yjeve“ të skuadrës për rinovimin e kontratës duket se kanë bërë që sheikëve t’u soset durimi.
Për këtë arsye Al Kelaifi duket se po mendon seriozisht shitjen e aksioneve të klubit francez. Lajmin e bën të ditur gazetari spanjoll i “El Chiringuito”-s, Edu Aguirre.
