Tottenham Hotspur është i interesuar të rinënshkruajë me Christian Eriksen.
Mesfushori, që aktualisht po luan me skuadrën e Brendford, është duke kaluar një formë fantastike ku po luan rregullisht.
Futbollisti u largua nga Interi pasi gjatë Kampionatit Evropian iu shfaq papritur një arrest kardiak i cili e la jashtë fushës për një kohë të gjatë.
“Nerazzurët” nuk e vazhduan bashkëpunimin me lojtarin dhe danezi u largua për në drejtim të Anglisë.
Ende nuk dihet se çfarë oferte kanë ofruar “Spurs” në drejtim të Brendfordit për lojtarin, por ajo që është e sigurt është se tanimë po mendohet seriozisht për ta rikthyer në skuadër.
