Llapi i Podujevës beson e shpreson se do të përsërisin suksesin e vitit të kaluar, kur fituan Kupën e Kosovës!
Llapjanët janë në finalen e madhe të Kupës së Kosovës, ku do të ballafaqohen me Dritën e Gjilanit.
Futbollisti i Llapit, Dardan Jashari, tha se është atmosferë e shkëlqyeshme në ekip. Ai është krenar që Llapi eliminoi Prishtinën nga garat e Kupës së Kosovës.
Llapi në finale, a besoni se do ta mbroni trofeun?
“Po, gjithsesi mendoj që do ta mbrojmë trofeun. Sepse do të luajmë at lojë pa presion dhe me përgjegjësi maksimale”, thotë Jashari për gazetën kombëtare “Bota sot”.
Jashari thotë se Llapi është i qetë edhe në kampionat dhe është i bindur se kjo pozitë nuk i rrezikohet nga askush:
“Assesi, tani do të fokusohemi në kampionat dhe do të luftojmë deri ne fund. Jemi duke kaluar në formë shumë të mirë këto 2-3 javë”.
Çfarë e veçon Llapin nga Drita sa i përket sfidës finale që luhet me 21 maj?
“E veçon fondi i lojtarëve sepse kemi skuadër me lojtar kualitativ si individual po ashtu grupor.
Në çdo repart jemi. Po pikat kryesore dihet, jemi në fazën ofensive me disa lojtar perspektiv”, nënvizoi Jashari.
Llapi renditet në vend të katërt me 44 pikë pas 28 jave në elitën e futbollit të Kosovës, ka 6 më shumë se Prishtina në pozitën e pestë.
