Spezia-Inter, kjo do të jetë ndeshja e radhës në Serinë A ku ekipi i Motës do të kërkojë që të surprizojë zikaltërit. Këta të fundit janë në rrugën drejt titullit kampion, më veçanërisht për shkakun e gabimeve të Milanit në këto përballje të fundit.
Kjo ndeshje do të zhvillohet ditën e nesërme dhe do të jetë e veçantë për Rei Manaj, që dikur ka veshur fanellën e zikaltërve. Media italiane “Tuttosport” i ka kushtuar një artikull sulmuesit shqiptar:
“Jo vetëm Thiago Motta, Spezia-Inter do të ketë një shije shumë të veçantë edhe për dikë si Rei Manaj. Shqiptari është një pjesë themelore në tabelën e shahut të Motta-s, por, dikur, ai pati një shans të madh te Interi. Një aventurë, ajo e nerazzurrëve, që nuk shkoi ashtu siç pritej.
Ky vit është ndoshta sezoni i Manajt më i mirë, ai i pjekurisë. Manaj po përgatitet të sfidojë Interin në një sfidë që premton të jetë elektrizuese”, shkruhet mes të tjerash në median italiane.
