Gjiganti italian, Napoli dëshiron të vazhdojë edhe më tej me kapitenin e kombëtares së Kosovës, Amir Rrahmani.
Rrahmani po kalon në një sezon fenomenal te skuadra e Napolit, prandaj ata dëshirojnë të blindojnë qendërmbrojtësin.
Sipas gazetës italiane ‘CorrieredelloSport’, ata tashmë kanë nisur bisedimet për rinovimin e kontratës së Rrahmanit.
Rrahmani ka kontratë me ‘Napolitanët’, deri në vitin 2024, por ata e duan edhe më gjatë në ekip.
Ai ka 36 paraqitje në të gjitha garat për Napoli, duke shënuar tre gola.
