Stefano Pioli zbulon se ka ‘dyshime çdo ditë’ nëse duhet të ushtrojë presion ndaj lojtarëve të Milanit apo ta lehtësojë atë, por pas fitores 2-0 ndaj Genoa-s sheh vetëm si energji pozitive.
Kuqezinjtë kishin nevojë për një fitore pas dy barazime ndaj Bolognas dhe Torinos.
Edhe pse ishin larg një paraqitjeje të mirë, ata bënë mjaftueshëm për të mundur Genoan me rezultat 2-0 në San Siro me golat e Rafael Leaos dhe Junior Messias.
“Natyrisht, e pashë rezultatin e Interit, por e dinim se çfarëdo që të ndodhte, do të përpiqeshim të fitonim çdo ndeshje. Mendoj se kemi pasur qasjen dhe urinë e duhur këtë mbrëmje, kemi rrezikuar shumë pak dhe ky është një faktor i rëndësishëm”, tha Pioli për DAZN.
Ishte ndeshja e gjashtë radhazi pa pësuar gol për Milanin, edhe pse kanë shumë lojtarë në mbrojtje me lëndime dhe me Davide Calabrian, i cili gjithashtu nuk arriti të paraqitej, shkruan footballitalia.
“Unë kërkoj shumë nga lojtarët e mi kur ata punojnë jashtë topit, por kjo është e nevojshme. Duhet të vazhdojmë, tensioni po rritet dhe presioni po ashtu, por në fakt ishte më keq sezonin e kaluar. Në këtë fazë, ne nuk ishim të sigurt nëse do të përfundonim në top katërshe”.
“Tani ne duhet ta ndiejmë presionin si asgjë tjetër veçse energji pozitive, sepse ne jemi duke sfiduar për diçka që kur filluam të punonim së bashku ishte e paimagjinueshme”.
Interi është kampion në fuqi i Italisë, ndërsa Milani po përpiqet të arrijë diçka që nuk e ka përjetuar në më shumë se një dekadë, kështu që Pioli po e shtyn skuadrën e tij apo po i qetëson ata?
“Unë kam të njëjtat dyshime çdo ditë në stërvitje, nëse duhet të rris presionin apo ta zvogëloj atë. Në fund të fundit, duhet të pres shumë prej tyre, është e drejtë të besojmë në aftësitë tona".
