Paul Pogba po kalon një periudhë të vështirë te Machester United, çka ka bërë që të ftohen marrëdhëniet e tij edhe me tifozët.
Francezi duket se është i padëshiruar nga mbështetësit e “djajve të kuq”, të cilët nuk e kanë fshehur një fakt të tillë.
Gjatë momentit kur po largohej nga fusha e “Old Trafford“-it pas përfundimit të ndeshjes kundër Norwich-it,
Pogba ka provokuar personat që gjendeshin në tribuna, duke bërë gjestin e vendjes së dorës pranë veshit si për të nënkuptuar se nuk po i dëgjonte.
Kundërpërgjigja ka qenë e menjëhershme, teksa tifozët nisin ta vërshëllejnë në kor deri sa francezi hyn në tunelin që të çon në dhomat e zhveshjes.
