Manchester United mund t’ia shoh ‘hajrin’ trajnerit holandez, Erik ten Hag.
Ten Hag thuhet se është shumë afër që ta mbyll marrëveshjen e tij me skuadrën e Manchester United.
Përveç Ten Hag, nga Ajax tek United mund të vijnë edhe katër lojtarë të tjerë. Një nga ta është lojtari premtues brazilian, Antony.
Sipas ‘Telegraph’, Antony është dëshira primare për United. Por, në listë janë edhe Ryan Gravenberch, Noussair Mazraoui e Jurrien Timber.
Gravenberch e Mazraoui megjithatë janë shumë afër që t’i bashkohen skuadrës së Bayern Munich, kështu që nuk janë alternativa shumë të mundshme për ‘Djajtë e Kuq’.
Jurrien Timber dhe Antony mbeten si dy mundësitë më të mira që t’i bashkohen trajnerit Erik ten Hag te Manchester United.
