Antonio Rudiger e ka mënjanuar Manchester Unitedin si destinacionin e tij të mundshëm në këtë afat kalimtar.
Mbrojtësi nuk ka interesim për t’iu bashkuar “Djajve të Kuq” pasi, siç raporton MEN, futbollisti kërkon një projekt serioz për t’i realizuar ambiciet e tij.
Njëra ndër ambiciet e mbrojtësit është rifitimi i Champions League, diçka që Man Utd nuk ia garanton.
20-herë kampionët anglezë janë ende duke luftuar për një pozitë në top4, me Arsenalin, Tottenhamin e West Hamin po ashtu në garë të ashpër.
Ndonëse kanë shprehur interes për mbrojtësin, duket se ky i fundit do ta kërkojë një tjetër skuadër që ia ofron kushtet e kërkuara.
