Mesfushori Bruno Fernandes u ka kërkuar falje tifozëve të Manchester Unitedit, pasi skuadra e tij humbi nga Liverpooli të martën mbrëma.
Unitedi u mposht thellë me rezultat 4-0 nga “Reds”.
Mesfushori tha se një ndryshim kryesor midis palëve ishte se Liverpooli po lufton për një titull në Premier Ligë, ndërsa Manchester Unitedi po “lufton për asgjë”.
"U kërkoj falje tifozëve. Nuk do të jetë kurrë e mjaftueshme, por është gjithçka që mund të bëjmë", tha Fernandesi për “Sky Sports”.
“Ata meritojnë shumë më tepër nga ne. Mendoj se të gjithë dhanë 100 për qind dhe bënë përpjekje, por ne nuk luajtëm mjaft mirë.
"Liverpool po lufton për titullin, ky është ndryshimi. Ne po luftojmë për asgjë. Ne duhet të shikojmë brenda dhe të përpiqemi të kuptojmë se çfarë po shkon keq”, përfundoi mesfushori portugez.
“Djajtë e Kuq” renditen në vendin e gjashtë në tabelë, me 54 pikë.
