Futbollisti Paul Pogba ka humbur sezonin me Manchester Unitedin si pasojë e një lëndimi.
Thuhet se lojtari u lëndua gjatë ndeshjes derbi ndaj Liverpoolit, që u mposht me rezultat 4-0.
Sipas B/R Sport, Pogba nuk ka gjasa që të luajë përsëri këtë sezon.
Ndeshja ndaj Liverpoolit mund të jetë e fundit për francezin me “Djajtë e Kuq”, i cili pritet të largohet nga “Old Trafford” në fund të sezonit.
Kontrata e 28-vjeçarit skadon pikërisht në verën e këtij viti, me palët që nuk janë të interesuara për vazhdim të bashkëpunimit.
Raportohet se francezi ka arritur tashmë marrëveshje me klubin francez PSG-në, me një kontratë katërvjeçare.
