Që pas ardhjes së Xavit, Barcelona është duke bërë një punë shumë të mirë, duke marrë parasysh se Xavi erdhi në gjysmën e sezonit dhe gjeti një Barcelonë të “shkatërruar”.
Ardhja e Xavit solli dhe transferime të reja, të cilat deri më tani kanë qënë vendimtarët në çdo ndeshje të mundshme. Merkatoja e verës po afrohet dhe Barcelona është e vendosur të transferojë një sulmues pykë. Pëlqehej Haaland, por norvegjezi është shumë i kushtueshëm për katalanasit.
Emri më i ri në skenë është bomberi polak, Robert Lewandowski. Polaku nuk dihet ende nëse do të rinovojë për klubin gjerman, por zërat e shumë këto javë thonë se ai dëshiron transferimin te Barcelona.
Për këtë gjë, ka folur presidenti i klubit, Laporta, ku është ndalur nga disa të rinjë duke shkrepur disa foto, ku njëri prej tyre e pyet se cili do të jetë sulmuesi që ata do të transferojnë, a do të jetë Robert Lewandowski?
Për këtë gjë, bosi i Barcelonës e konfirmoi , duke thënë se interesimi është konkret dhe ai është synimi për sulmin e sezonit të ardhshëm.
