Gjysmëfinalja e Champions League mes Manchester City dhe Real Madrid nuk ka zhgënjyer. Në Etihad Stadium është zhvilluar një nga ndeshjet më të bukura të vitit, e mbushur me yje dhe magji.
Mes protagonistëve të mëdhenj të sfidës ka qenë edhe Gabriel Jesus. Shpesh i lënë në stol në ndeshjet e mëdha, sulmuesi brazilian ka qenë titullar kundër Los Blancos dhe është përgjigjur në mënyrën e duhur, duke shënuar golin e 2-0 së përkohshëm.
Pavarësisht nga kjo, e ardhmja e tij mbetet në dyshim, veçanërisht nëse te Qytetarët do të transferohet sulmuesi i Borussia Dortmund, Erling Haaland.
Siç dihet, mes skuadrave që interesohen për Jesus janë edhe Juventus-i me Inter-in, në rast të një lamtumire të Lautaro Martinez. Calciomercato.it ka bërë një sondazh duke pyetur ndjekësit se cilët nga lojtarët me të ardhmen në dyshim te City dhe Real do të donin.
Gabriel Jesus ka fituar bindhsëm më 51% të votuesve që duan ta shikojnë brazilianin në Serinë A. Pas tij është renditur Mahrez (21%).
Në vendin e tretë është renditur Asensio, i cili është drejt largimit nga Bernabeu dhe kërkohet nga Milan-i, me 19% të votave, ndërsa ka marrë vetëm 9% të votave Casemiro, për të cilin ka patur zëra për një interesim të Juventus-i.
