Mbrojtësi 19-vjeçar i Southampton, Tino Livramento ka pësuar nëj dëmtim të rëndë në fundjavë në ndeshjen ndaj Brightonit dhe do t’i duhet të operohet në gju.
Lajmin e ka bërë të ditur klubi i Southampton, që ka zbuluar se viti 2022 mund të konsiderohet i mbyllur tashmë për anësorin që është në pronësi të Chelsea-t, por ishte i huazuar te “Shenjtorët”.
Livramento numëron 32 ndeshje me fanellën e Southampton dhe ka bërë paraqitje mjaft të mira në krah, megjithatë dëmtimi i rëndë ia ka komplikuar jo pak rrugëtimin.
Mbrojtësi anglez, bashkë me Armando Brojën, janë në pronësi të Chelsea-t dhe janë rritur bashkë në ekipet e moshave të klubit londinez, teksa verën e kaluar u huazuan te Southampton, ku kanë dhënë jo pak kontribut.
