Krahas shumë klubeve të mëdha evropiane, është edhe Real Madridi që ka shprehur interesim për yllin e Chelseat, Reece James.
Sipas ‘Goal’ madrilenët janë hedhur në sulm për yllin e ‘Bluve’ të Londrës. James është duke bërë një sezon të madh me Chelsean.
Performanca e tij e mirë ka ndezur interesimin e disa klubeve të mëdha evropiane, përfshirë edhe Real Madridin.
James me londinezët ka kontratë deri në verën e vitit 2025, por siç raportohet, lojtari mund të largohet nga Londra në fund të këtij sezoni.
Krerët e ‘Los Blancos’ tashmë janë duke u përgatitur që të nisin negociatat me agjentin e lojtarit për transferimin e mundshëm te James në ‘Bernabeu’.
Asi i Chelseat, është duke u monitoruar nga shumë klube evropiane. Janë disa klube të Premier Leagues, që e duan lojtarin, por në tavolinën e londinezëve thuhet se akoma nuk ka asnjë ofertë zyrtare.
James mund të largohet nga Londra, por ekziston mundësia edhe jashtë Anglisë. La Liga duket se alternative e mundshme për lojtarin, pasi që mësohet se Real Madridi seriozisht ka hyrë në garë për të.
