Sot (e diel) janë në orar për t’u zhvilluar edhe tri ndeshje në kuadër të javës së 32-të në BKT Superligën e Kosovës.
Gjatë të shtunës u zhvilluan dy ndeshje, ndërsa sot pritet të luhen edhe tri ndeshje për të kompletuar xhiron e 32-të.
Ndeshja më interesante padyshim që do të zhvillohet në stadiumin “Zahir Pajaziti” në Podujevë, ku Llapi pret Ballkani.
Klubi nga Theranda mund të shpallet sot kampion i këtij sezoni në rast fitoreje, por do të bëhej edhe me një barazim, në rast se Drita nuk fiton ndaj Drenicës.
Drita është nikoqire e Dritës në ndeshjen e cila pritet të zhvillohet në stadiumin me bari sintetik në Gjilan, me drenicasit që kanë shumë nevojë për pikë.
Ndeshja e fundit, por jo nga rëndësia pritet të zhvillohet në Drenas, ku Feronikeli i rënë nga liga pret Malishevën, e cila imperativ të vetëm ka tri pikët, pasi lufton për t’i ikur zonës së barazhit.
Llapi – Ballkani 15:00
Formacionet zyrtare:
Llapi: Avdyli; Idrizi, Prenci, Neto, Emini; Shabani, Krasniqi, Ramadani; Rivera; Selmani, Veliu;
Ballkani: Frashëri; Ar.Thaqi, Hoxha, As.Thaqi, Potoku; Dellova, Kuc; Korenica, Gripshi, Krasniqi; Baftiu.
