Liga e Konferencës është kompeticioni më i ri i krijuar nga UEFA.
Ky turne e nis rrugëtimin e tij në faqet e historisë nga Shqipëria, teksa “Air Albania“ pret finalen e parë të këtij turneu.
Nga sezoni iardhshëm cilësia do të rritet edhe më tepër.
Pas eliminimit të Vijarealit nga Liga e Kampionëve, La Liga do të ketë një ekip pjesëmarrës në Ligën e Konferencës. Kjo për shkak se “nëndetësja e verdhë” humbet mundësinë për të fituar trofeun veshëgjatë, që do i siguronte autobmatikisht një vend në Ligën e Kampionëve.
Kështu, 4 vendet e para do të kualifikohen në Ligën e Kampionëve, vendi i 5 dhe i 6 do të sigurojë një biletë për në Ligën e Europës dhe vendi i 7 në renditje do të marrë pjesë në Ligën e Konferencës. Me renditjen aktuale, bileta për në kompeticionin më të ri të krijuar nga UEFA i shkon Vijarealit.
