Kampionati Kombëtar i Futsallës i organizuar nga Federata Shqiptare e Futbollit po i afrohet fundit në këtë edicion të parë që pas ndërprerjes për shkak të pandemisë Covid-19. Në këtë sezon morën pjesë skuadrat Tirana Futsall, Diamant Futsall, Elbasani Futsall dhe Flamurtari Futsall.
Në përfundim të javës së gjashtë nis faza play-off me dy ndeshjet që do të luhen ditën e diel, datë 8 maj 2022, në pallatin e sportit “Asllan Rusi” në Tiranë.
Kryesuesit e Tirana Futsal do të përballen me Elbasani Futsal në orën 16:00, ndërsa sfida tjetër e kësaj faze Flamurtari Futsal – Diamant Futsal do të nisë në ora 18:00. Ndërkaq, data e ndeshjes finale mbetet për t’ përcaktuar.
Duke parë interesin e shtuar për të marrë pjesë në këtë aktivitet pritet që sezonin e ri, që këtë herë do të nisë në muajin shtator, të ketë të paktën 10 skuadra pjesëmarrëse që do të garojnë për të fituar titullin e që siguron një biletë për në turneun UEFA Champions League në futsall.
Që tani shumë skuadra kanë shfaqur interesi për t’u regjistruar në këtë kampionat dhe për të krijuar grupin e lojtarëve. Çdo skuadër ka në dispozicion 22 lojtarë, teksa në fushë zbresin 5 lojtarë. Në këtë kampionat, të gjithë pjesëmarrësit do të jenë shqiptare dhe nuk do të marrin pjesë lojtarë të huaj.
Kampionati u zhvillua për 6 javë me radhë, me ndeshjet që u luajtën me sistem vajtje-ardhje për të kulmuar me fazën e play-off-it, për të përcaktuar edhe fituesin e parë të këtij kampionati.
Kalendari i kampionatit kombëtar të Futsallës
Java e parë
Flamurtari FC – Tirana / Futsal 1-3
Elbasani Futsal – Diamant Futsal 5-10
Java e dytë
Flamurtari FC – Elbasani Futsal 10-5
Tirana / Futsal – Diamant Futsal 4-2
Java e tretë
Elbasani Futsal – Tirana / Futsal 4-15
Diamant Futsal – FLAMURTARI 4-4
Java e katërt
Tirana / Futsal – FLAMURTARI FC 3-1
Diamant Futsal – Elbasani Futsal 7-3
Java e pestë
Elbasani Futsal – FLAMURTARI FC 1-5
Diamant Futsal – Tirana / Futsal 3-11
Java e gjashtë
Tirana / Futsal – Elbasani Futsal 3-0
FLAMURTARI FC – Diamant Futsal 4-1
Ndeshjet e fazës play-off / Datë 8 maj 2022
Tirana – Elbasani 16:00
Flamurtari – Diamant 18:00
