Ferizaj e ka siguruar rikthimin në elitën e futbollit të Kosovës.
Tani Ferizaj mendon për Superligë, për faktin se duhet të përforcohet edhe më shumë në çdo repart për një paraqitje sa më të mirë.
Synimi i klubit është që të arrijnë rezultat sa më të mira në Superligë.
Flitet e përflitet se Ferizaj synon t’i rikthejë shumicën e futbollistëve që luajnë në klubet tjera në Kosovë.
Raportohet se disa i kanë në objektiv dhe së shpejti pritet edhe të nisin bisedimet.
Afati kalimtar ende ka kohë por duket se drejtuesit e Ferizajt do t’i bien në gjurmë lojtarëve sa më herët që është e mundur.
Presidenti i klubit, Lulzim Abazi, i ka të qarta të gjitha, ai pritet së shpejti të thotë fjalën përfundimtare për përforcime.
