Sulmuesi i Prishtinës, Otto John është raportuar sot se është arrestuar nga Policia e Kosovës derisa dyshohet për veprën “trafikim me qenie njerëzore”.
“Prishtinë 05.04.2022 – 07:00. Në lidhje me rastin është raportuar se me 05.05.2022 është arrestuar i dyshuari mashkull shtetas i Nigerisë dhe i njëjti pas intervistimit me vendim të prokurorit është dërguar në mbajtje”, thuhet në raportin e Policisë së Kosovës.
John që është pjesë e Prishtinës tash e një kohë të gjatë, nëse shpallet fajtor rrezikon një dënim të rëndë. Sipas Kodit Penal të Republikës së Kosovës dënimet për vepra të tilla parashihen nga 5-12 vjet burg.
“Neni 165
Trafikimi me njerëz
Kushdo që merr pjesë në trafikimin e njerëzve dënohet me gjobë dhe me burgim prej pesë
(5) deri në dymbëdhjetë (12) vjet”, shkruhet në Kodin Penal të Kosovës.
