Për një Kylian Mbappe me pushime në Madrid, me zëra që flasin për një marrëveshje drejt mbylljes me Los Bloncos, ka edhe një Neymar në Barcelonë…
Po, sepse siç ka raportuar Sport.es, por siç mund të shihet edhe në Instagramin e lojtarit, braziliani ka zgjedhur të kalojë disa ditë pushime në qytetin katalanas.
Media iberike nuk e ka humbur rastin për të ripërshkuar historinë e O’Ney, duke iu referuar mesazheve të dashurisë që lojtari i ka dërguar disa herë Barçës, duke nënvizuar se, pavarësisht se bëhet fjalë për pushime, Neymar është “ribashkuar” me dikë që është shumë afër ambientit blaugrana, mikun e tij Dani Alves.
Sulmuesi duket se ka darkuar me babanë e tij, por edhe me mbrojtësin brazilian, që në fillim të vitit është kthyer në Barcelonë. Asnjë e dhënë për merkaton, për momentin, por marrëdhënia mes klubit spanjoll dhe kampionit është shumë e mirë.
Në ditët e kaluara, mediat franceze kanë shkruar se Paris Saint-Germain do të ishte i gatshëm ta linte të lirë lojtarin të largohej në rast të një oferte.
