Kategoria Superiore U-19 ka arritur tashmë në fazën play-off dhe play-out, ku do të përcaktohet edhe fituesi kombëtar dhe skuadrat që do të zbresin në Kategorinë e Parë për sezonin 2022-2023.
Pas shpalljes së skuadrave fituese për Grupet A dhe B në këtë grupmoshë, KF Partizani në grupin A dhe Apolonia në grupin B, Departamenti i Garave në FSHF ka përcaktuar dhe ҫiftet e fazës vendimtare të sezonit.
Në bazë të rregullores së kompeticionit, u përcaktua kalendari i ndeshjeve, ku në fazën play-off skuadrat e renditura në vendin e 1 (parë) të 2 (dytë), të 3 (tretë) dhe të 4( katërt) të grupeve “A” dhe “B” pas përfundimit.
Ndërsa në fazën play-out skuadrat e renditura në vendin e 9 (nëntë) dhe të 10 (dhjetë) të Grupeve “A” dhe “B” do të zhvillojnë një ndeshje me një takim sipas skemës.
Ndeshjet do të zhvillohen me sistem grumbullimi në Tiranë në datat 14 dhe 15 maj në Kompleksin Internacional dhe Qendrën Sportive Kamëz.
