Ka përfunduar pjesa e parë në ndeshjen mes gjigantit spanjoll Real Madrid dhe skuadrës së Levantes, ku nikoqirët hyjnë drejt zhveshtores në epërsi të thellë kundër skuadrës së Enis Bardhit.
Pas 45’ minutave lojë të zhvilluara në “Santiago Bernabeu”, Reali gjendet në avantazh prej 4:0 kundër Levantes.
Fillimisht, rezultatin i pari e zhbllokoi Ferland Mendy në minutën e 13’, kurse epërsinë në 2:0 e thelloi ylli francez Karim Benzema në minutën e 19’ të ndeshjes.
Golin e tretë për Realin e shënoi braziliani Rodrygo në minutën e 34’, kurse bashkëkombësi i tij, Vinicius Junior, thellon epërsinë në 4:0 në minutën e 45’.
Rezultati i pjesës së parë është 4:0 në favor të Realit.
