Robert Lewandowski e tha përfundimisht ditën e djeshme që nuk dëshiron të jetë më pjesë e Bayern Munich, teksa prej javësh është raportuar për një kalim të mundshëm të polakut te Barcelona.
Së fundmi në lidhje me këtë çështje ka reaguar edhe kreu i La Liga-s, Javier Tebas, i cili tha për “Europa Press” se Barça nuk mund të firmosë me sulmuesin tani.
“Për momentin Barça nuk mund të firmosë me të por klubi “blaugrana” e di shumë mirë se çfarë duhet të bëjë”-deklaroi Tebas.
Këto deklarata vijnë pasi drejtuesit e Bayernit nuk pranojnë që polaku të largohet nga klubi pa i përfunduar kontrata, e cila skadon në verën e 2023-shit.
