Mesfushori francez Paul Pogba raportohet se është gjithnjë e më afër ish-klubit të tij, Juventus.
Reprezentuesi francez tashmë ka vendosur të largohet nga Manchester Unitedi.
Sipas medieve italiane, drejtuesit e ‘Zonjës së Vjetër’ vazhdojnë kontaktet me agjentin e mesfushorit francez.
Negociatat mes dy palëve po shkojnë mirë dhe duket se shumë shpejtë do të arrihet akordi që Pogba sërish të vesh fanellën e gjigantit italian.
Ndryshe, PSG vazhdon ta rivalizojë Juventusin në garën për francezin, por duket se ky i fundit është afër rikthimit në Torino.
