Interi në alarm për largimin e Bastonit!
Nikola Milenkoviç është kthyer për të tretën herë në dy vitet e fundit të jetë në qendër të zërave të merkatos zikaltër.
Mbrojtësi i Fiorentinës është një nga emrat më të vlerësuar për prapavijën në shtëpinë e Interit, për më tepër kur Alesandro Bastoni ka përfunduar në shënjestrën e klubeve angleze si Totenhem, Mançester Junajtid e Çelsi.
Në rast largimi të tij, serbi mund të jetë ai që do të marrë vendin e 23-vjeçarit dhe ajo që jep shpresë tek Interi është fakti që kontrata e Milenkoviçit skadon vitin e ardhshëm dhe Fiorentina nuk mund të kërkojë më shumë se 20 milionë euro për të, edhe pse përfshirja e Milanit dhe Juventusit ndër klubet që e duan mund ta vështirësojnë situatën.
