Karim Benzema ka komentuar lëvdatat e Lionel Messit për të, ndërsa thotë se e motivojnë për të vazhduar tutje.
Messi thuri lëvdata për Benzeman, teksa tha se sulmuesi francez e meriton “Topin e Artë” për këtë vit, pas performancave mbresëlënëse që pati në nivel klubesh.
“Po, i dëgjova ato çfarë Messi tha për mua. Jam i lumtur që dëgjoj kësolloj fjalësh nga një lojtar i madh. Këto fjalë më motivojnë për të vazhduar tutje”, tha Benzema.
Francezi e udhëhoqi Real Madridin drejt fitimit të La ligas dhe Ligës së Kampionëve gjatë këtij sezoni si top golashënues në të dyja kompeticione.
