Partizani i Tiranës siguroi vendin e tretë dhe kualifikimin në raundin e parë eliminator të Ligës së Konferencës. Direkt pas pushimeve, llogaritë e të kuqve janë në ndeshjet e këtij kompeticioni, që janë burim i madh të ardhurash.
Klubi i kuq ka mësuar kundërshtarët e mundshëm që mund t’i bien përballë në raundin e parë kualifikues të Ligës së Konferencës. Duhet të theksojmë se të kuqtë janë në një vazo me Laçin.
Dy ekipet e Superiores mund të kenë përballë edhe një mes Llapit dhe Gjilanit.
Ata ndodhen në vazon e të fortëve. Rivalët që do të preferonin t’i shmangnin janë finlandezët, boshnjakët apo irlandezët.
Rivalët e dëshiruar do të ishin skuadra nga Luksemburgu, Ishujt Faroe apo Malta. Shorti i raundit të parë do të hidhet më datë 14 qershor. Ndeshjet do të luhen në datat 7 dhe 14 korrik.
