Shqipëria befason Islandën në Reikjavik

Berat Gjimshiti shprehu keqardhjen për gabimin që i kushtoi një gol Shqipërisë ndaj Islandës.

Mbrojtësi i Atalantës kërkoi falje për atë pasim të gabuar, por shprehu bindjen se Shqipëria, duke shmangur pikërisht këto gabime, do ta mbyllë në vendin e parë në grup.

“Të them të drejtën, për mua është rezultat i keq. Në pjesën e parë luajtëm më mirë, pastaj në të dytën jo mirë, bëmë gabime. Te goli bëra unë gabim. I kërkoj falje skuadrës. Jam i zhgënjyer me veten, kishim mundësi ta fitonim ndeshjen.”

Të njëjtat gabime: “E vështira të them pse. Te gabimi im mund të flas për veten. Ishte një gabim teknik, doja ta hiqja topin në anësore por e kapa keq dhe e dhashë si asist.”

Reagimi jo i duhur: “Jo vetëm unë por edhe të tjerët që kanë eksperiencë duhet të ndihmojnë të tjerët. Të them të drejtën ishte e vështirë ta rregulloja lojën të ishe më agresiv. Çdo lojtar që ishte në fushë u mundu të jepte maksimumin. Ishim kundërshtarët më agresivë.

Objektivi, i arritshëm: “Erdhëm këtu me një qëllim, për ta fituar ndeshjen, pasi e dimë që kemi skuadër me cilësi. Duhet të jemi të vetëdijshëm për cilësitë tona. Sigurisht nëse nuk i bëjmë ato gabime që bëmë sot do ta lëmë pas Islandën dhe do ta fitojmë grupin".

Ndeshja e sotme mes Islandës dhe Shqipërisë ka shënuar një risi në përballjet mes dy ekipeve.

Për herë të parë, në atë që ishte takimi i 8 mes skuadrave, është regjistruar një barazim.

Deri tani, në 7 ndeshjet e mëparshme kishte qenë Islanda që kishte kryesuar me 4 fitore ndaj kuqezinjve që kishin 3 të tilla dhe asnjë ndeshje ku ishin shënuar barazime.

Kjo “tabu” u thye pasi ndeshja e sotme regjistroi barazimin e parë mes dy skuadrave pasi në fund të 90 minutave shifrat ishin 1-1.

Sa i përket golavarazhit, përfaqësuesja e Islandës ka avantazhin e një goli, pasi ka shënuar 11 në ndeshjet ndaj kuqezinjve kundrejt 10 të Shqipërisë.

Taulant Seferi u rikthye me gol në kombëtare. Sulmuesi i Tiranës realizoi golin e Shqipërisë në barazim 1-1 ndaj Islandës në Nations League, teksa për emisionin “Kuqezi” në Supersport, Seferi deklaroi:

“Po, jam i kënaqur me golin. Mendova se morëm tre pikët, por edhe një pikë nuk është keq, pasi nuk kemi fituar kurrë këtu. Tani të fitojmë ndaj Izraelit. Jam shumë i lumtur për golin. 

Kjo vjen nga puna e bërë me klubin, kam punuar shumë, Zoti ma shpërbleu.

Çfarë nuk funksionoi me Cikalleshin? Ishim përgatitur t’u merrnim hapësirat, të luanim poshtë. Pjesën e parë luajtëm mirë, në të dytën nuk luajtëm ashtu siç ishim përgatitur, prandaj jemi mërzitur. Tani fokusi tek Izraeli.

Pjesa e dytë me më shumë lëvizshmëri dhe kontakt me topin? E vërtetë, e shfrytëzova rastin, e ndjeva që do vinte topi. Pjesën e dytë isha më i lirshëm, pata edhe rastin me kokë, por nuk gjuajta fort”, deklaroi sulmuesi i Tiranës.

Shqipëria nuk shkoi më shumë se barazimi 1-1 në transfertë ndaj Islandës, e vlefshme për Ligën e Kombeve.

Edhe pse kuqezinjtë kaluan të parët në avantazh në minutën e 30-të me anë të Seferit, vendasit barazuan shifrat në të 49-tën me Thorstenson, pas një gabimi të Gjimshitit në mbrojtje.

Edhe pse objektiv ishte fitora, barazimi i kuqezinjve të Rejës mund të konsiderohet pozitiv, duke pasur parasysh faktin që luanim në transfertë.

Shqipëria momentalisht renditet në vendin e 3-të me vetëm 1 ndeshe të luajtur, me pikë të barabarta me Izraelin dhe një pikë më pak se Islanda që ka zhvilluar 2 duele.

Vlen të theksohet fakti, se Shqipëria do të rikthehet të luajë më 10 qershor, ku do të përballet me Izrealin në shtëpi.

(E plotësuar) -  Shqipëria merr një pikë të madhe në Reikjavik, duke barazuar me rezultat 1:1 me Islandën, në ndeshjen e Grupit 2 të Ligës B të Kombeve në futboll.

Ndeshje e mirë e me disa raste dhe dy gola të shënuara. 

Kuqezinjtë të parët avancuan por pësuan në pjesën e dytë dhe nuk ia dolën të kthehen me tre pikë në ndeshjen e parë të kësaj gare.

Në minutën e 30-të, Taulant Seferi kalon në epërsi Shqipërinë, 0:1. 

Pas një aksioni të Abrashit i cili tentoi portën, portieri vendas nuk ia doli të largonte dhe Seferi përfitoi duke shtyrë topin në rrjetë.  

Në pjesën e dytë, islandezët barazuan rezultatin përkatësisht në minutën e 49-të. 
Gafa e prapavijës kuqezi me Gjimshitin i cili i pason Thorsteinson dhe ky i fundit e dërgon topin ne rrjetë.

Islanda - Shqipëria 1:1
Shënues: Thorsteinsson (49’) - Seferi (30').
Kartona të verdhë: Balliu - Olafsson.
Islanda: Runarson, Sampsted, Gretarson, H. Magnuson, Olafson, Helgason (Haraldsson 62’), Bjarnason (Thrandarson 74’), Johaneson, Sigurdson (Ellertsson 74’), A. Gudjonsen (S. Gudjohnsen 90+2’), Thorsteinsson (Anderson 62’).
Shqipëria: Berisha, Balliu (Veseli 82’), Ismajli, Kumbulla, Gjimshiti, Hysaj, Gjasula, Abrashi (Ramadani 79’), Çekiçi (Asllani 73’), Seferi (Vrioni 73’), Çikalleshi (Balaj 73’).

90’ Olafson ndëshkohet me karton të verdhë pas një ndërhyrje ndaj Ramadanit.

82’ Vjen edhe zëvendësimi i fundit i Rejas me Veselin i cili merr vendin e Balliut.

81’ Ramadani hynë në fushën e lojës në vend të Abrashit në këto minuta të fundit.

78' Ivan Balliu (Shqipëri) në pozicion jashtë loje.

76' Nuk ka ndryshim rezultati.

70' Elseid Hysaj (Shqipëri) dërgon topin, por ai nuk arrin të arrijë asnjë nga shokët e tij.

69’ Balliu nga e djathta dhe pastaj Hysaj nga e majta harkojnë shumë mirë në qendër të zonës, por mbrojtja vendase largon çdo rrezik në lojën në ajër.

67’ Një goditje dënimi jepet për Islandën.

Islanda - Shqipëria 0:1
Shënues: Thorsteinsson (49’) - Seferi (30').
Kartona të verdhë: Balliu.
Islanda: Runarson, Sampsted, Gretarson, H. Magnuson, Olafson, Helgason (Haraldsson 62’), Bjarnason, Johaneson, Sigurdson, Gudjonsen, Thorsteinsson (Anderson 62’).
Shqipëria: Berisha, Balliu, Ismajli, Kumbulla, Gjimshiti, Hysaj, Gjasula, Abrashi, Çekiçi, Seferi, Çikalleshi.

63' Arnar Vidarsson vendos të bëjë një zëvendësim. Thorir Johann Helgason do të zëvendësohet nga Hakon Arnar Haraldsson (Islandë).

59' Ivan Balliu (Shqipëri) jep një top të gjatë, por i mungon fuqia për të arritur bashkëlojtarët dhe pengohet nga një prej mbrojtësve.

56' Ivan Balliu godet me një top të mirë në zonë drejt Taulant Seferit (Shqipëri), goditja me kokë e të cilit nga qendra e zonës shkon larg shtyllës së majtë.

51'  Portieri i Kombëtares shqiptare, Etrit Berisha, me sfidën e sotme përballë Islandës, shkon në 72 ndeshje të luajtura më Kombëtaren.

49' Thorsteinsson barazon rezultatin 1:1. Gafa e prapavijës kuqezi me Gjimshitin i cili i pason Thorsteinson dhe ky i fundit e dërgon sferën ne rrjetë.

Përfundon pjesa e parë.

44' Fundi i pjesës së parë. Lojë e rrezikshme nga Sokol Cikalleshi (Shqipëri). Craig Pawson i bie bilbilit për një faull.

Islanda - Shqipëria 0:1

Shënues: Seferi (30').

ISLANDA: Runarson, Sampsted, Gretarson, H. Magnuson, Olafson, Helgason, Bjarnason, Johaneson, Sigurdson, Gudjonsen, Torsteinson.
Trajner: A Vidarson

SHQIPËRIA: Berisha, Balliu, Ismajli, Kumbulla, Gjimshiti, Hysaj, Gjasula, Abrashi, Çekiçi, Seferi, Çikalleshi.

40’ Pas golit, Shqipëria nuk është tërhequr mbrapa, por po vazhdon të sulmojë në kërkim të një tjetër rrjete për të bërë më të sigurt një fitore.

38' Amir Abrashi (Shqipëri) bën sllallomin, por një lojtar kundërshtar largojë topin.

35' Endri Çekiçi (Shqipëri) tenton të gjejë një prej shokëve të tij të skuadrës me një krosim premtues në zonë, por një mbrojtëseviton rrezikun.

30' Tailant Seferi kalon në epërsi Shqipërinë, 0:1. Shënon Seferi i cili i jep avantazhin kuqezinjve pas një aksioni të Abrashit i cili tentoi portën, Portieri vendas nuk ia doli të largonte sferën dhe Seferi përfitoi duke shtyrë topin në rrjetë.  

28' Mbrojtja është vigjilente pasi largon një krosim të rrezikshëm nga Amir Abrashi (Shqipëri).

25'  Arnor Sigurdsson (Islandë) po tregon lojë të mirë, Islanda - Shqipëria 0:0.

20' Alfons Sampsted (Islandë) përpiqet të bëjë me tepër por pa sukses.

19’ Berisha shpëton Shqipërinë nga goli i disavantazhit. Pas një rivënie anësore, topi shkon te Sigurdson i cili gjuan në portë, pro sheh portierin të devijojë mbi traversë sferën.

17’ Shqipëria mundohet të nisë topin disa herë radhazi në zonën vendase, por nuk gjen hapësirë për gjuajtje, pasi çdo tentativë bllokohet nga mbrojtja islandeze. Në fund është Seferi i cili gjuan por sheh sferën të devijohet mbi traversë.

15' ndeshje me rivalitet mes Islandës dhe Shqipërisë.

10’ Rivënie anësore e rrezikshme e islandezëve që hedhin topin në zonë, Helgason mundohet të devijojë me kokë por Berisha del dhe prek sferën duke fituar një faull.

Vendimi i RTSH për të mos transmetuar ndeshjen e përfaqësueses shqiptare në transfertë ndaj Islandës, të vlefshme për Ligën e Kombeve, është ndeshur me një protestë të zëshme nga tifozët e shumtë që pritnin të ndiqnin takimin nëpërmjet transmetuesit publik shtetëror

Reagimeve të shumta u është shtuar edhe grupimi “Tifozat Kuq e Zi” i cili prej shumë vitesh ndjek hap pas hapi kuqezinjtë në çdo transfertë që kanë zhvilluar në stadiumet në të gjithë kontinentin.

Reagimi zyrtar nga Tifozat Kuq e Zi

Përderisa Tifozat Kuq e Zi bëjnë kilometra për ta parë kombëtaren në Islandë, TVSH nuk e ka parë të arsyeshme të transmetojë drejtpërdrejt sonte ndeshjen e Kombëtares, të cilën interesi i gjithë Shqipërisë është të ketë sa më shumë vëmendje në ndeshjet që luan Kombëtarja.

Pas tre muajve pauzë, Kombëtarja jonë sonte luan ndeshje të rëndësishme kundër Islandës, ndërsa TVSH ka vendosur të mos transmetojë Kombëtaren dhe të transmetojë ndeshje të ekipeve të huaja.

Gjithsesi, djemtë tanë të Kombëtares, si në çdo ndeshje brenda dhe jashtë, do të mbështeten nga Tifozat Kuq e Zi, por kjo qasje e tillë, është e gabueshme dhe nuk tolerohet nga ne, sepse mbi të gjitha sportet, e rëndësishme është Shqipëria.

Ndeshja mes Islandës dhe Shqipërisë hap rrugëtimin e kuqezinjve në Ligën e Kombeve. Pas përjashtimit të Rusisë, kuqezinjtë luajnë sfidën e parë ndaj nordikëve në fushën e këtyre të fundit dhe me një fitore mund të marrin që sot vendin e parë në grup.

Trajneri Edi Reja prej ditësh provon një formacion që “Panorama Sport” e ka pasqyruar që në ditët e para të grumbullimit dhe e ka konfirmuar në sfidën e sotme. Kështu, në sulm do të jetë dyshja Seferi-Çikalleshi, me sulmuesin e Tiranës që do ta nisë kështu si titullar.

Sa i përket pjesës tjetër të skuadrës, Reja nuk ka bërë lëvizje të mëdha, me Çekiçin që merr vendin e Bares në mesfushë, ndërsa Balliu do të luajë djathtas e Hysaj në të majtë të prapavijës.

LIVE ISLANDË-SHQIPËRI 0-0

MINUTË PAS MINUTE

2’ Shqipëria fiton shpejt një goditje këndi në krahun e djathtë, por kuqezinjtë kthejnë topin mbrapa në ekzekutimin e saj duke humbur mundësinë për të rrezikuar portën vendase.

1’ Nis ndeshja me topin e parë nga qendra që shkelmohet nga Cikalleshi.

FORMACIONET ZYRTARE

ISLANDA: Runarson, Sampsted, Gretarson, H. Magnuson, Olafson, Helgason, Bjarnason, Johaneson, Sigurdson, Gudjonsen, Torsteinson.
Trajner: A Vidarson

SHQIPËRIA: Berisha, Balliu, Ismajli, Kumbulla, Gjimshiti, Hysaj, Gjasula, Abrashi, Çekiçi, Seferi, Çikalleshi.
Trajner: E. Reja.

6’ Shqipëria fiton shpejt një goditje këndi në krahun e djathtë, por kuqezinjtë kthejnë topin mbrapa në ekzekutimin e saj duke humbur mundësinë për të rrezikuar portën vendase.

4' Nuk ka gola.

Myrto Uzuni do të jetë sot një nga mungesat e mëdha për Shqipërinë në ndeshjen ndaj Islandës.

 Sulmuesi është dëmtuar gjatë stërvitjeve para kësaj ndeshje dhe kështu, nuk ka udhëtuar drejt Reikjavikut për sfidën e parë të kuqezinjve në këtë edicion të Ligës së Kombeve.

Megjithatë që nga Shqipëria ku ai vazhdon përgatitjet me shpresën për të qenë i gatshëm për sfidën ndaj Izraelit, Uzuni ka dërguar një mesazh motivimi nëpërmjet një postimi në rrjetet sociale.

“Shumë suksese ekipit kombëtar sonte. Në pamundësi për të qenë në fushë, por me zemër jam aty me ju”, shkruante Uzuni në këtë mesazh të tij për kuqezinjtë.