Selektori i Irlandës së Veriut, Ian Baraclough konsideron se të gjitha skuadrat e grupit kanë mundësi të dalin në vendin e parë.
Ai një ditë para ndeshjes me Kosovën ka folur në një konferencë për shtyp në Prishtinë.
“Kushdo mund të përfundojë i pari në grup, kjo është e vërteta. Në këtë grup me të vërtetë të gjitha ekipet kanë potencial, qoftë Greqia, qoftë Kosova, qoftë madje edhe Qipro, e cila për ne ishte një arrë e fortë për t’u thyer.
Me të vërtetë mund të them që i kam shikuar të gjitha ndeshjet e grupit, edhe ndeshjes ndërmjet Kosovës dhe Greqisë dhe me të vërtetë këtu nuk dihet se kush është favorit për ta zënë vendin e parë”, ka thënë trajneri irlandez.
Ai e ka cilësuar Kosovën si një kombëtare me përbërje shumë cilësore dhe me futbollistë kualitativë.
"Kosova ka në përbërje shumë lojtarë cilësorë dhe të nivelit të lartë. Unë vërtet jam i impresionuar me ekipin e Giresse, Rashica, Muriqi, Zhegrova e të tjerë janë shumë lojtarë të rrezikshëm", ka thënë Baraclough.
"Ne do të mundohemi t’ua mohojmë atyre pasimet, t’ua mohojmë atyre shanset".
