Fadil dhe Xhevdet Muriqi, legjendat e futbollit, edhe sot nuk mund të pajtohen se kanë humbur shokun dhe bashkëlojtarin e gjeneratës së artë të KF Prishtina, Fadil Vokrri!
Ata publikojnë një foto me Vokrrin në katërvjetorin e vdekjes së tij.
Vëllezërit Muriqi emocionojnë duke përmendur edhe nofkën e Vokrrit.
Xhevdet e Fadil Muriqi
“I përjetshëm kujtimi për Cirën”, shkruajnë vëllezërit Muriqi.
Fadil e Xhevdet Muriqi, si sot kujtojnë ndeshjet në elitën e futbollit ish jugosllav, me kapitenin Fadil Vokrri, kur mposhten Cërvena Zvezdën e Beogradit, Partizanin e Beogradit, Hajdukun e Splitit, Dinamon e Zagrebit, Vardarin e Shkupit, Zhelezniçarin e Sarajevës, Velezhin e Mostarit, Sllobodën e Tuzllës, Çelikun e Zenicës, Vojvodinën e Novi Sadit, Rijekën, Osijekun, Sarajevën, Sutjeskën e Nikshiqit, Buduçnostin e Podgoricës, Olimpinë e Lubjanës, Iskrën e Bugojnos, Radniçkin e Nishit, Dinamon e Vinkovcit etj.
