Shqipëria përballet me Izraelin sonte prej orës 20:45 dhe synon vetëm fitoren. Trajneri Edy Reja ka programuar edhe disa ndryshime në formacion, duke nisur nga prapavija.
Veseli merr vendin e Kumbullës, ndërsa në mesfushë pritet ta nisin nga fillimi Asllani e Bajrami, në vend të Gjasulës dhe Çekiçit. Sulmi do të jetë krejt ndryshe, nisur edhe nga gjendja gripale e Cikalleshit, i cili është në dyshim për sonte. Uzuni e Broja priten nga minuta e parë.
“Kuqezinjtë” aktualisht kanë një pikë të grumbulluar, pas barazimit pa gola me Islandën katër ditë më parë. Lidere e grupit F është Islanda, me dy pikë dhe me një ndeshje më shumë të luajtur.
Shqipëria ndeshjen e parë në këtë kampanjë, në letër, e pati ndaj Rusisë, por, siç dihet, përballja nuk u zhvillua për shkak të sanksioneve të dhëna ndaj këtyre të fundit
Shqipëria (3-5-2)
Berisha,
Veseli, Ismajli, Gjimshiti,
Balliu, Asllani, Abrashi, Bajrami, Hysaj,
Uzuni, Broja.
