Ende i lidhur me një vit kontratë me Real Madridin, Marco Asensio mund të largohet nga Spanja gjatë verës dhe sipas raportimeve nga Spanja, tre herë kampioni i Champions League, pritet të transferohet në Angli.
Manchester United ndodhet në “pole position” për 26-vjeçarin dhe në javët në vijim pritet që “Djajtë e Kuq” të nisin kontaktet me Real Madridin për afrimin e sulmuesit.
Nëse Asensio vendos të largohet nga Reali, United mund të jetë destinacioni më i mundshëm i tij.
Gjatë sezonit që u mbyll Asensio luajti në 31 ndeshje në La Liga dhe në to shënoi 10 gola.
Kartoni i sulmuesit vlerësohet rreth 40 milionë euro, shifër që duket se nuk do të jetë problem për t’u paguar nga “Djajtë e Kuq”, të cilët pas largimeve të shumta po punojnë për të krijuar skuadrën e re dhe të së ardhmes.
