Ish-ndihmësi i Shehit nis karrierën te klubi i Riijkard dhe Gullit!
Erbim Fagu do të nisë karrierën e trajnerit nga kategoria e gjashtë në Holandë teksa ka marrë përsipër drejtimin e klubit të Amsterdamsche Football Club Door Wilskracht Sterk, ose ndryshe e njohur si DWS.
Fagu i cili mbylli aventurën te Tirana në muajin mars ku mbante rolin e ndihmësit të Orges Shehit, tashmë do të jetë vetë në rolin e protagonistit.
Fagu lajmëroi aventurën e re nëpërmjet rrjeteve sociale ndërsa theksoi se për të objektivi është promovimi i të rinjve në klubin ku kanë nisur karriera edhe legjenda të futbollit holandez si Riijkard dhe Gullit.
