Tifozët futen në qendrën stërvitore, ndërhyn policia për të qetësuar situatën!
Me 12 pikë në 11 ndeshje dhe të renditur në zonën e ftohtë, tifozët e Botafogos vendosën të pushtonin qëndrën stërvitore të klubit për të “shkundur” futbollistët të cilët duken në një “gjumë letargjik”.
Tifozët u konfrontuan me futbollistët e skuadrës së zemrës në ambientet e dhomave të zhveshjes ndërsa ia bënë të qartë se një situatë e tillë duhet të ndryshojë sa më shpejt.
Nga ana tjetër, klubi njoftoi policinë për shkak të frikës se nga momenti në moment prej tensionit të lartë, situata mund të dilte nga kontrolli.
Në kohët e fundit, Botafogo ka hasur vështirësi ekonomike dhe ka rënë nga kategoria tre herë në 20 vitet e fundit.
