Real Madridi është gati të blindojë Vinicius për një kohë të gjatë. Autor i golit vendimtar në finalen e Champions League pak javë më parë, sulmuesi brazilian është gati të zgjasë kontratën me madrilenët.
Nuk dihet ende nëse do të vijë rritja e shumëpritur e rrogës, gjë që është absolutisht e besueshme, por e sigurt është se do të përfshihet një klauzolë shumë e lartë lirimi.
I Blinduar – Vinicius Jr, më vendimtar se kurrë në këtë sezon që pa klubin e tij të triumfojë në La Liga dhe Champions League, siç raportohet nga Marca, ka gjetur një marrëveshje totale me Los Blancos për të rinovuar kontratën e tij, e cila do të zgjatet deri në 2026-ën ose deri në 2027-ën.
Siç u tha, mund të ketë gjithashtu një rritje të konsiderueshme të pagës që mund ta çojë atë të fitojë 10 milionë euro neto në sezon.
Njoftimi do të vijë në fillim të korrikut, pas pushimeve të brazilianit. Duhet theksuar se në kontratën që do të nënshkruhet do të ketë një klauzolë lirimi prej mbi një miliard euro.
