Shtohen skuadrat pretendente për të transferuar Renato Sanches këtë verë.
Mesfushori dukej shumë pranë kalimit te klubi kuqezi, por përfshirja e PSG-së ka ndryshuar gjithçka.
Në orët e fundit, sipas asaj që shkruan “Le Parisien”, një tjetër klub italian, që do të luajë në Champions sezonin e ardhshëm ka shfaqur interes për lojtarin.
Juventusi duket se është skuadra, teksa është në kërkim të një mesfushori pasi pritet të largohen Arthur dhe Rabiot. Sanches shihet si zgjedhja e duhur për t’i dhënë një tjetër ritëm mesfushës.
