Liverpooli dhe Milani po interesohen për të nënshkruar me anësorin e Real Madridit, Marco Asensio.
“Los Blancos” po e konsiderojnë lojtarin si pjesë të skuadrës, por mungesa e minutave të dëshiruara nga lojtari në sezonin e fundit, ka ndezur “alarmin” për një largim të paparamenduar.
Kontrata e spanjollit me madrilienët skadon në vitin 2023, andaj, për të mos e humbur me parametra zero sezonin e ardhshëm, po mendohet që të arkëtohet sadopak nga shitja e tij.
Futbollisti shpeshherë u tregua vendimtar për skuadrën në të kaluarën, duke shënuar gola të rëndësishëm në fitoret e “Los Blancos”.
Vlera e tij në treg aktualisht po vlerësohet 40 milionë euro, sipas Transfermarkt.
