Milani ka njoftuar sot (e mërkurë) një “zgjatje afatgjatë” të partneritetit të tyre me markën sportive Puma.
Puma ka qenë prodhuesi i fanellave të kuqezinjve që nga viti 2018 dhe, si zgjerim, klubi lansoi “Puma House of Football” – një qendër stërvitore për të ndihmuar brezat e ardhshëm në klub.
Partneriteti i mirë mes palëve ka bërë që klubi kuqezi dhe kompania e njohur sportive ta vazhdojnë bashkëpunimin edhe për shumë vite.
“Jemi jashtëzakonisht krenarë që vazhdojmë në këtë rrugëtim me partnerin tonë të gjatë Puma, partneri ynë kryesor që nga viti 2018”.
“Me kalimin e viteve, puna krah për krah me Puma-n na ka lejuar të ndërtojmë një partneritet solid dhe autentik të bazuar në performancën, kulturën e futbollit dhe vlerat e përbashkëta, gjithmonë me një qëndrim progresiv”.
